jueves, 6 de octubre de 2016

LA ONDO DE ESPERANTO, ekde 2017 nur "bitgazeto" je malalta prezo.



Al la perantoj de “La Ondo de Esperanto”
2016 10 05 - Karaj kolegoj,

Bedaŭrinde, post la 25-jara eldonado ni estas devigitaj ĉesigi la eldonadon de la papera gazeto. Ekde 2017 “La Ondo de Esperanto” aperos nur elektronike kiel bitgazeto. Pri la kaŭzoj de ĉi tiu malfacila decido ni skribis en la postkongresa “Ondo” (№8-9) http://sezonoj.ru/2016/07/ondo-12/kaj precizigis la aferon en la oktobra “Ondo” (№10).

La abonprezo de “La Ondo de Esperanto” por 2017 restas la sama: 15 eŭroj por ĉiuj landoj.

La perantoj de “La Ondo de Esperanto” ricevas makleraĵon (2 eŭroj de ĉiu perita abono) kaj senpagan abonon. La restintan sumon (13 eŭroj de ĉiu abono) bonvolu ĝiri al nia UEA-konto “avko-u”. La abonlistojn bonvolu sendi al nia adreso ret-poŝte sezonoj@kanet.ru, kopie alsezonoj@yahoo.com.

Kelkaj bazaj informoj:

    Titolo: “La Ondo de Esperanto”
    Elektronika gazeto (pdf kaj ePub)
    Aperas: 11 numeroj jare, literatura suplemento jarfine
    Amplekso: 48-60 paĝoj -     Abonprezo por 2017: 15 eŭroj

“La Ondo de Esperanto” estas la unua grava Esperanto-periodaĵo, kiu estas abonebla nur kiel bitgazeto (ekzistas aboneblaj retversioj de paperaj gazetoj kaj senpagaj bitgazetoj, sed nun aperas neniu abonebla bitgazeto).

La unua (januara) bitnumero de “La Ondo” por 2017 estos senpage elŝutebla por ĉiu deziranto en nia retejo, kie aperos ankaŭ kalrigoj pri la manieroj legi ĝin.

Bonvolu kontroli la aktualecon de la informoj pri vi en nia retejo


No hay comentarios.:

Publicar un comentario