La 9-an
de februaro estis oficiale inaŭgurita
en la fortreso de San
Carlos de la Cabaña
la 26-a Internacia Librofoiro, Havano 2017 .
La
evento estas ĉi-jare dediĉita al la intelektulo kaj eksa ministro de kulturo,
Armando Hart Dávalos. Kiel invitita lando estas Kanado kies kulturo estos vaste
reprezentata per bunta stando, verkistoj kaj eldonaĵoj.
La
internacia librofoiro de Havano estas unu el la plej amasaj kulturaj eventoj
ĉiujare organizata de la kuba ministerio de kulturo kaj la instituto de la
libro. Ĝi daŭras dek tagojn en la ĉefurbo kaj sekve itineras tra la ĉefaj urboj
de la tuta lando. Centmiloj da kubanoj vizitas ĝin, speciale en Havano.
Ĉi-jare,
kiel jam tradicias, Kuba Esperanto-Asocio havas Esperanto-standon kie deĵoras
esperantistoj por informi kaj varbi interesiĝantojn eklerni la lingvon.
Oni ekspozicias librojn, disdonas informilojn kaj dialogas kun la vizitantoj.
Ĉi-jare
estos prezentita nova eldono de la libro La Historio Absolvis min, de Fidel
Castro, danke al iniciato kaj kunlaboro de Vilhelmo Lutermano kaj Monda
Asembleo Socia (MAS). Temas pri korektita kaj ampleksigita eldono. La unua
eldono en Esperanto de tiu libro okazis en 1984 kaj ĝi estis elhispanigita
de kolektivo organizita de KEA ĉe la kuba eldonejo en fremdlingvoj José
Martí en Havano.
Leginda verketo el la monda vidpunktoj de Fidel Castro.
Esperanto
ankaŭ prezentos standon dum la itinera periodo de la librofoiro en la urboj
Bayamo kaj Santiago de Cuba, ĉe la orienta parto de la insulo, kie la lokaj
esperantistoj same havos standon kaj faros varban kaj informan laboron. (El raporto de Maritza
Gutiérrez)
http://static.lulu.com/images/services/buy_now_buttons/es/gray.gif?20161207153255
No hay comentarios.:
Publicar un comentario