Esperantista alvoko en la monda tago de toleremo

NOV

15

Esperantista alvoko en la INTERNACIA TAGO DE LA TOLEREMO. 

 https://www.un.org/en/events/toleranceday/
----
MEZE DE LA EKSPLODO EN SUDAMERIKO KAJ EN LA TUTA MONDO DE LA MALTOLEREMO, MALAMO, MILITOJ
KAJ MANIFESTACIOJ KONTRAŬ LA NUNA MONDA SISTEMO
NI ESPERANTISTOJ
ALMENAŬ
ĈI TAGE, PRIPENSU PRI NIA AGADO KIEL MOVADO
KIES CELO SUBESTAS EN LA INTERNA IDEO DE
LA INTERNACIA LINGVO ESPERANTO.

MESAĜO DE UNIVERSALA ESPERANTO-ASOCIO OKAZE DE LA INTERNACIA TAGO POR TOLEREMO, 16 NOVEMBRO 2019

"En epoko kiam la mondo alfrontas defiojn pli grandajn ol iam ajn antaŭe, kaj kiam demandoj kiel ekzemple klimatŝanĝiĝo kaj nuklea milito prezentas ekzistominacojn ne nur al la homaro sed eĉ al la planedo, toleremo estas hodiaŭ pli grava ol iam en pasinteco. 

Nur per transpontado de niaj diferencoj ni povos kontraŭstari la problemojn kiuj ĉirkaŭas nin. Sed, bedaŭrinde, ne ekzistas lando en la mondo kiu ne spertas maltoleremon en unu formo aŭ alia – pri raso, religio, genro kaj multaj aliaj diferencoj, kiuj devus fortigi nin per diverseco, sed tro ofte rolas por malfortigi nian decidemon kaj dislogi nin for de la esencaj defioj kiuj ĉirkaŭas nin. En multaj landoj kreskas politika ekstremismo, kaj malamo anstataŭas komprenon. Neniam internacia kunlaboro pli gravis, ol ĝi gravas hodiaŭ.

Fundamenta al tiuj diferencoj estas la diferenco de lingvo. Se ni ne povas interkompreniĝi, ni ne povas kunlabori; se ni ne povas interkompreniĝi, ni emas plej malbone imagi pri tiuj kiuj estas malsamaj al ni. Okaze de tiu ĉi Internacia Tago por Toleremo, Universala Esperanto-Asocio apelacias al internaciaj organizaĵoj kiel Unuiĝintaj Nacioj, al registaroj tra la mondo kaj al ĉiuj homoj de bona volo, ke ili laboru por serĉi signifoplenan dialogon, ke ili flankenmetu siajn diferencojn kaj ke ili kunlaboru en spirito de toleremo por alfronti la defiojn kiuj jam kontraŭstaras nin ĉiujn. Ni promesas nian kunlaboron en tiu klopodado."

Gazetaraj Komunikoj de UEA
N-ro 833 -2019-11-15